ஹைக்கூ கவிதைகள்

விரிந்த உலகத்தை கையில் தேடி தேடியே
வீடெனும் உலகத்திற்குள் கை கோர்க்க விடுவதில்லை
கைபேசி .........

ஒருவர் தூங்க
பலரை தட்டி எழுப்பும் ஒலி 

குறட்டை .......

உயிர்த் துடிப்போடு 

கண்களை மூடி 

இருண்ட உலகத்திற்குள் 

தினம் அழைத்துச் செல்கின்றது 

தூக்கம் .......

என் அன்பு அப்பாவிற்கு ......

என் அன்பு அப்பாவிற்கு ......

எங்களை கரைசேர்க்க
உங்கள் வேதனைகளை
உள்ளுக்குள் மறைத்து
கலங்கி நின்ற நாட்கள்
தூக்கம் தொலைத்த நாட்களை
என்றுமே மறக்க முடியாது .......

எங்கள் வாழ்க்கை 
அழகாய் மலர
ஆயிரம் முட்கள் தந்த வலிகளை கூட
ஆனந்தமாய் ஏற்று
அன்போடு வழித்துணையாய் வந்தீர்கள் ......

நீங்கள் தந்த
அன்பு கடனை அடைக்க
ஆயிரம் ஜென்மங்கள்
போதாது எனக்கு .......

நம்பிக்கை துரோகம்

அன்பை புதைத்து
ஆத்திரத்தை தூண்டி விடும் ....

அழகான உறவுகளை 

அடியோடு பிரித்து விடும் ....

ஆயிரம் பொய் திரைகள் போர்த்தி 

உண்மையெனும் சூரியனை 

மறைக்க நினைத்தாலும் 

மறைக்க முடியாது ....

சுட்டெரித்து விடும் 

நிச்சயம் ஒரு நாள் ....

உடைந்த நம்பிக்கையை 

ஒட்ட வைத்தாலும் 

மறக்க முடியாது 

மனம் உடைந்த நாட்களை .....

ஆற்ற முடியாது 

அது தந்த காயங்களை .......

நல்லவர் போல் எள்ளி நகையாடி 

முதுகில் குத்தும் 

நன்றி இல்லா 

நயவஞ்சக மனிதர்களிடம் 

விலகியே இருங்கள் ......

துரோகம் என்ற கல்லினால் 

நம்பிக்கை எனும் வாழ்க்கை கண்ணாடியை 

உடைத்து விளையாடும் 

உணர்ச்சியற்ற மனிதர்களிடம் 

எச்சரிக்கையாய் இருங்கள் ........

துணிச்சலோடு 

தூக்கி எறியுங்கள் 

துரோகிகளை ......

தன்னம்பிக்கையோடு 

எதிர் கொள்ளுங்கள் 

தாங்க முடியா தருணங்களையும் ......

ஹைக்கூ கவிதைகள்

மனம் எனும் காட்டிற்குள்
அலைந்து திரியும்
ஆயிரம் உணர்வுகளெனும் விலங்குகளை
அடக்க பிறந்தவன்
மனிதன் ........

உருவம் தந்த உடலை மட்டும் புதைத்து
புதைக்க முடியா நினைவுகளோடு
வாழச் செய்கின்றது
மரணம் ........

எனக்குள் வலிக்கும் என்று
எழுத மறுக்கின்றது உன் பெயரை
என் பேனா .......