சிகரெட்

 

கொஞ்சம்  கொஞ்சமாய் 

உன்னைக்  கொல்லும்  என்னை 

ஏன்  கைகளில்  வைத்து  கொண்டாடுகிறாய் .........

விற்பனைக்கு  இங்கு  தடை  இல்லை  என்பதாலோ ?......

உன்  உடம்பை  உருக்கும்  என்னை 

ஏன்  உருகி  உருகி  தேடுகிறாய் .........

உன் வலிகளுக்கு  மருந்தல்ல  நான் 

என்னை  தூக்கி  எறிந்து  விடு .........

கரம்  பிடித்தவளின்  கண்ணீர்  துடைக்க 

என்னை  கை விட்டு  விடு .........

உலகமென  உன்னைச்  சுற்றிச்  சுழலும் 

உறவுகளின்  வார்த்தைகளை  மட்டும் 

உதறிச்  செல்லாதே .........

மாற்றங்கள்  உனக்குள்  தளிர்விட்டால் 

மகிழ்ச்சி  பூக்கும் 

உன் வீட்டுத்  தோட்டத்தில்.........

அடையாளங்கள்

மணமான பெண்களுக்கு

விரல்கள் அடைபடும் " மெட்டிக்குள் "
கழுத்து அடைபடும் " தாலிக் கயிற்றுக்குள் "
விடுபட விருப்பமில்லாத
ஏற்றுக் கொள்ளப்பட்ட
சமுதாயச் சடங்குகள் ..........
ஏன் இத்தனை அடையாளங்கள் , சடங்குகள்
பெண்களுக்கு மட்டும் ? .......

வாழ்க்கை ஒரு வரம்

எதிலும்  குறை காணும்  மனிதர்களுக்கு

என்றும்  நிறைவே  இல்லை ..........
குறைகளை  பட்டியலிட்டு
வீணடிக்காதே
மீட்க  முடியாத  மணித்துளிகளை ...........

குழந்தையின்  மனதில்
கோபம் , வெறுப்பு
பொறாமை , பேராசை
வஞ்சகம் , ஏமாற்றுதல்
புறம் பேசுதல்
இவை  ஏதும்  இராது ........
குழந்தை  போல்  இருங்கள்
அன்பு  காட்டுவதில் ..........
அனைவரும்  ஏங்குவது
அன்பிற்கு  மட்டும் தான் ...........

மனிதர்களை  நேசியுங்கள்
மன்னிக்க  கற்று  கொள்ளுங்கள்
மனம்  விட்டு  பாராட்டுங்கள்
வாழ்க்கை  அழகாய்  மாறும்.........

வரமெனும்  வாழ்க்கையில்
சொர்க்கத்தின்  வாசல்கள்
திறக்கப்படும் .நிச்சயமாய் ........

யுத்தம் 2020

சுதந்திரமாய்  இயங்கிய
உலகத்தின்  எல்லைகள்
மூடப்பட்டு  விட்டன .........

எங்கு  பார்த்தாலும்
எச்சரிக்கை .......
எதிர்பார்க்காத  வாழ்க்கை  இது .........

மனிதனை  மனிதன்  பார்த்து
பயந்து  விலகுகின்றான் .......
தனிமைப்படுத்தப்படும்  நாடுகள்
தனிமைப்படுத்தப்படும் வீடுகள் ........
எதுவரை  நீளுமோ
இந்த  யுத்தம் .........
இரத்தம்  சிந்தவில்லை
கண்ணீர்  சிந்துகின்றோம் ...........

ஆயுதங்கள்  தாக்காத
அறிகுறிகள் தென்படாத
அமைதியான  யுத்தம்  இது .........

கடவுள்  கூட
தனிமைப்படுத்தப் பட்டுள்ளார்
ஆலயங்களில் ........
நடமாடும்  கடவுளாய்
பொதுச்சேவை  புரிவோர்கள் ...........

விழிப்புணர்வோடு
விலகி  நின்று
தடுத்து  நிறுத்துவோம்
கொரோனா  யுத்தத்தை ...........

கொரோனா

                                               
இரண்டாயிரத்து  இருபதை
இருண்ட  உலகத்திற்கு
இழுத்துச்  செல்லும்
இரக்கமற்ற  கொடிய  நோய் .......

சீனாவில்  தொடங்கிய
முதற்கட்டப்  பயணம்
முடிவில்லாமல்
அச்சுறுத்துகிறது  அகிலத்தையே ..........

உலகப்  பொருளாதாரத்தை
உருக்குலைத்து
நினைத்துப்  பார்க்காத  உலகத்தை
உள்ளத்தில்  வலியோடு
உற்றுநோக்கச்  செய்யும்
கொடிய  நோய் .......

அனைத்துப்  பிரச்சனைகளையும்
மறக்கச்  செய்கின்றது .........
 கொரோனா  அச்சுறுத்துதல் ...........

வழிகள்  தெரியாததால்
விழிகள்  தேடுகின்றன
பல  வதந்திகளை ........

ஏற்றத தாழ்வு
பார்க்காமல்  பரவுவதால்  தான்
பதறுகின்றனர்  பணக்காரர்கள் ........

பரவாமல்  தடுக்க
பள்ளி , கல்லூரிகளுக்கு
விடுமுறை  அறிவிப்பு ..........
பயணங்கள்  இல்லாமல்
வீட்டிற்குள்  முடங்கச்  செய்யும்
மகிழ்ச்சி  இல்லாத
விடுமுறை  நாட்கள்
மாணவர்களுக்கு ..........

ஒரு  குடும்பத்தை  மட்டுமே
பாதிக்கும்
அம்மைத்  தொற்றின்  பயம் ......
ஆனால்
ஒட்டுமொத்த  உலகத்தையே
பாதிக்கின்றது
கோவிட  90  வைரஸ்  தொற்றின்  பயம் ........

ஓரிடத்தை  மட்டும்  பாதிக்கும்
இயற்கைப்  பேரிடர்  அல்ல ........
உலகப் பேரிடர்..........
தனிமைப் படுத்தி  விரட்டுவோம் ........
உயிரைப்  பணயம்  வைத்து
நம்  உயிர்  காக்கப்  போராடும்
பொதுச் சேவை  புரிவோரைப்
போற்றுவோம் .........

தன்  மாநிலம்
தன்  நாட்டை  விட்டுச்  சென்றவர்களுக்கு
அனுமதி  மறுப்பு
உள்ளே வர .....
அஞ்சுகின்றோம்  அவர்களைப்  பார்த்து ..........

சுத்தம் , சுகாதாரம்  காக்கும்
பெரிய  நாடுகளுக்கே
ஒரு சவால்  என்றால்
நமக்கோ  பெரும்  போராட்டம்  தான் .......
விழித்துக்  கொள்வோம் ........

பெரிய  வலியல்ல
மாத்ச  சம்பளம்  வாங்குபவர்களுக்கு ..........
ஆனால்
நோய்  வந்து  சாகும்  முன்னே
பசியினால்  உயிர்  போகுமோ
என  அஞ்சும்
தினக்கூலி  பெறும்
பாமர  மக்களுக்கு
விடை தான்  என்னவோ ...........

மூடப்படும்  ஆலயங்கள்
இறைவனை  உனக்குள்
தேடச்  சொல்கின்றது .......
மனித நேயத்தோடு
உதவுவோம்  பிறர்க்கு .........

தொழில்நுட்பம்
இணைத்த  உலகத்தை
கொரோனா
துண்டாக்குகிறது
தனிமைப்படுத்தி ...........

தொழில் நுட்பத்தில்
முன்னோக்கிச்  சென்றாலும் ........
பின்னோக்கிச்  செல்கின்றோம்
நம்  ஆரோக்கியத்தில் .........

உணவெனும்  மருந்து
உற்சாகம்  தந்தது
நம்  முன்னோர்களுக்கு .......
மருந்தெனும்  உணவு
சோர்வைத்  தருகின்றது
நமக்கும்
நம்  சந்ததிகளுக்கும் .........

மீட்டெடுப்போம் 
நம்  முன்னோர்கள்  காட்டிய
உணவு முறைகளை .........
வாழ்வியல்  முறைகளை .........
விரட்டி  அடிப்போம்
உயிர்  பறிக்கும்
தொற்று  நோய்களை ..........

 

நிழல் தராத மரங்கள்

நேற்றுவரை
உன்னைத்  தாங்கிய  கைகள்  கூட
இன்று  உன்னை 
காயப்படுத்தலாம் ...........
தாங்கிக்  கொள்ளப்  பழகிக் கொள் ...............

நேற்றுவரை
உன்  தோட்டத்தில்
இன்பமெனும்  பூ  பூக்கச்  செய்த
உறவுகள்  கூட
இன்று
இன்பத்தை  மட்டும்
அவர்கள்  பறித்துக்  கொண்டு
துன்பத்தை  உனக்கு  பரிசாக
கொடுத்திருக்கலாம் ................
தாங்கிக்  கொள்ளப்  பழகிக் கொள் ...............

நேற்றுவரை
உன்  நலத்தை  மட்டும்
விரும்பிய 
இதயங்கள்  கூட
இன்று  அவர்களது   சுயநலத் தீயினால்
உன்னைச்  சுட்டு  எரித்திருக்கலாம் ................
தாங்கிக்  கொள்ளப்  பழகிக் கொள் ...............

நேற்றுவரை
சுகம்  தந்த  உறவுகள்   கூட
இன்று  சோகத்தை   மட்டுமே
தந்திருக்கலாம் ............
தாங்கிக்  கொள்ளப்  பழகிக் கொள் ...............

நேற்றுவரை
முகமூடி  மாட்டிக்  கொண்டு
உன்னை  சிரிக்க  வைத்த  உறவுகள்  கூட
இன்று  முகத்திரைகள்  கிழித்து
அவர்களது  உண்மையான  முகங்கள்   காட்டி
உன்னை  அழ  வைத்திருக்கலாம் ..............
தாங்கிக்  கொள்ளப்  பழகிக் கொள் ...............

நேற்றுவரை
உறவுகள்  மீது
நீ  வைத்திருந்த  நம்பிக்கை
இன்று  இல்லாமல்  கூட
போயிருக்கலாம் ...............
தாங்கிக்  கொள்ளப்  பழகிக் கொள் ...............

நேற்றுவரை
நீ   உலகமென   நினைத்த  உறவுகள்
இன்று  உன்னை
நினைக்கக்  கூட  மறந்திருக்கலாம் .............
தாங்கிக்  கொள்ளப்  பழகிக் கொள் ...............

உன்னை  அழ  வைத்து
சிரிக்கும்  உறவுகளுக்காக
நீ  கண்ணீர்  மட்டும்  சிந்தாதே.............
தாங்கிக்  கொள்ளப்  பழகிக் கொள் ...............

அன்பெனும்  நிழல்  தராத  மரங்கள்
இருந்தும்   பயனில்லை ...............
ஆனால்   வெட்டி  மட்டும்
எரிந்து  விடாதே ............
தாங்கிக்  கொள்ளப்  பழகிக் கொள் ...............

மழைத்துளி

 உன்  காதலியான
என்னை
முதலில்  முத்தமிட்டு ..........
பின்
நிலமென்னும்
உன்  தாயின்  மடியில்
தலை  சாய்த்துக்  கொள் ............

உறவுகள்

கோடி   கோடியாய்   
மக்கள் இருந்தாலும்
நாம்  அறிமுகமாகிக்  கொள்வது
சிலரோடு   தான் .............

நிச்சயிக்கப்பட்ட    இரத்த  பந்தங்கள்
நிச்சயிக்கப்பட்ட   சொந்த  பந்தங்கள்
நிச்சயிக்கப்பட்ட   திருமண  பந்தங்கள்
நிச்சயிக்கப்பட்ட   கருவறை பந்தங்கள்
நிச்சயிக்கப்பட்ட    நண்பர்கள்

மாற்ற   முடியாத
மறக்க   முடியாத
உறவுகளை
மதிக்கவும்
மன்னிக்கவும்
கற்றுக்  கொண்டால்
அந்த   வீடோ
ஒரு   கோயில்   தான் ...................

வெள்ளைக் காகிதம்

உன்   மனமென்னும்

டைரியில்
என்   நினைவென்னும்
பக்கத்தை   மட்டும்
அப்படியே
ஏதும்   எழுதாமல்
விட்டு   விடு .........
வண்ணக்   கனவுகளால்
மட்டும்
வண்ணம்   தீட்டி   விடாதே ...........

என் சுவாசமே .....

என்  மூச்சுக்  காற்றில்
உன்  உயிர்
துடித்தது
என்  கருவறையில்

அன்று ......

உன்  மூச்சுக்  காற்றில்  தான்

என்  உயிரே 

துடிக்கின்றது

இன்று .......

தவம்

தவம்   கிடக்கின்றேன்
தாய்மைக்காக ...............

எனக்குள்  கருவாய்
எனக்குள்  உயிராய்
எனக்குள்
எட்டி  உதைக்கப்  போகும்
உன்   பிஞ்சுப்  பாதம்
இப்  பூமியில்
கால்படும்   நாளை  எண்ணி
காத்திருக்கின்றேன் ................

என்   மூச்சுக் காற்றை
நீ   சுவாசிக்கப் போகும் 
நாளுக்காக
காத்திருக்கின்றேன் ..............

நொடிகளாய்
நிமிடங்களாய்
மணித்  துளிகளாய்
நாட்களாய்
மாதங்களாய்
வருடங்கள்   மட்டும்
கடந்து   செல்கின்றது ................
தினம்   அதே   பயணம்
தினம்   அதே  தேடல்
எனக்குள் .................

என்   தேடல்   நீ
விடியலாய்
என்   வாசலுக்கு
வந்து   விடு ..............
உன்னைச்   சுற்றி
என்   உலகம்   சுழல
தவம்   கிடக்கின்றேன் ...............

எங்கள்   வேண்டுதல்களை
விண்ணப்பங்களாய்
எல்லா   மத   கடவுள்களுக்கும்
விண்ணப்பித்திருக்கின்றோம் ..............
எங்கள்   விண்ணப்பங்கள்
ஏற்றுக்   கொள்ளப்படும்
நாளுக்காக
காத்திருக்கின்றோம் .......................

சோகம்

சிலருக்கு   சோகம்
ஊற்று  நீர்   போல ............
அவ்வப்போது   மனமென்னும்
மணல்   மேட்டில்
ஊறிக்   கொண்டேயிருக்கும் .............
ஊற்று  நீர்   போல்   சோகம்  வேண்டாம் ............
ஊற்று  நீர்   போல்   உற்சாகம்   வேண்டும் .............

சிலருக்கு   சோகம்
ஆற்று   நீர்   போல ............
 மனதில்   ஓரிடத்தில்   நிற்காமல்
வாழ்க்கைப்    போகும்   வழியில்
விதி   போகும்   வழியில்
ஓடிக்   கொண்டேயிருக்கும் .............
ஆற்று   நீர்   போல்
 நிற்காமல்......
சோகத்தைக்   கூட
அடித்துச்   செல்ல   வேண்டும் ..............

 சிலருக்கு   சோகம்
கடல்    நீர்   போல ............
கண்ணீரில்   கரைந்து    கொண்டு
வற்றாத   சோகம்
தீராத   சோகம்   என்று
கடல்   போன்ற    வாழ்க்கையை    பார்த்தே
தினம்   பயந்து   ஓட  வேண்டியுள்ளது .................
சோகக்   கடலுக்குள்
மூழ்கி   விட   வேண்டாம் .............
அதிலும்   மூழ்கி
முத்தெடுக்க   வழி   தேடுங்கள் ...............

இறுதியில்   நம்   உடல்
அஸ்தியாய்
கரைவது   கடலில்   தான்
என்றாலும்
ஆற்று   நீர்   போல்   ஓடி
வாழ்க்கையின்   அழகான
ஒவ்வொரு  நிமிடங்களிலும்
அங்கங்கே   அருவியாய்
துள்ளிக்  குதித்தும் ..........
அங்கங்கே   மேடு  ,  பள்ளம்
தாண்டியும் ............
அங்கங்கே   இளைப்பாறியும் ............
அங்கங்கே   சோகங்களை
தொலைத்து   விட்டும் ...............
வழி   தெரியும்   பாதையில்
பயணம்   செய்தால் ,
இறுதியில்
கடலில்   கலக்கும்   வரை
கலங்கத்   தேவையில்லை ....................

நிஜம்

இன்றைய    நிகழ்வுகள்

நாளைய    நினைவுகள் ............
இன்றைய    நிஜங்களை
புகைபடங்களாக்கி
நாளைய   நினைவுகளுக்காக
சேர்த்து   வைக்கின்றோம் ............
நினைத்துப்   பார்த்தால்
நம்  வாழ்க்கையே
ஒரு  நாள்
வெறும்   புகைப்படங்களாய்
வெறும்   நினைவுகளாய்
மட்டுமே
நம்மோடு   நடைபோடும்
முதுமைப்    பருவத்தில் ..........

இளைமையில்
வெறும்   நினைவுகள்   மட்டும்
வாழ்க்கையல்ல ........
அன்பு ,  காதல்
நட்பு ,  உறவு
சோகம் ,   உற்சாகம்
வெற்றி ,  தோல்வி
சோர்வு ,  வலிமை
நம்பிக்கை
அயராத   உழைப்பு
இவை   எல்லாம்   தான்
வாழ்க்கை ..........

ஆனால்  தள்ளாடும்   முதுமையிலோ
வெறும்   சோகம்
வெறும்   சோர்வு
வெறும்   நினைவுகள்   மட்டும்   தான்
வாழ்கையாய்   தோன்றும் ..............

இளைமையில்
அன்பு,   உற்சாகம் ,  சுறுசுறுப்பு
 வலிமை ,  நம்பிக்கை
அயராத   உழைப்பு
விட்டுக்  கொடுத்தல்
இவை   மட்டும்   இருந்தால்
முதுமை   கூட
இனிமையாய்   நிச்சயம்   அமையும் .......

தூக்கம்

தன்னிலை   மறந்த

உயிர்த்    துடிப்போடு
கூடிய
மரணத்திற்கான
ஓர்   ஒத்திகை............

natural wallpapers

ஆசை

யாருக்கும்  தெரியாமல்

உன்  காதலியாய்

 கைகோர்த்து
ஊர் சுற்ற
ஆசையில்லை  எனக்கு ............
ஊருக்கும் , உலகுக்கும்
தெரிந்த  படி
உன்  மனைவியாய்
கரம் பிடித்து
ஊர்வலம்   செல்லத்  தான்
ஆசை  எனக்கு ...............

யாருக்கும்  தெரியாமல்
தொலைபேசியில்
மணிக்கணக்காய்  பேச
ஆசையில்லை  எனக்கு ..............
மனைவியாய்
உன்னருகில்   அமர்ந்து
முகம்  பார்த்து
பேசத்  தான்
ஆசை  எனக்கு ................

யாருக்கும்  தெரியாமல்
உன்  புகைப்படம்   பார்த்து

பொழுதுகள்   விடிய
ஆசையில்லை  எனக்கு ..............
தினம்  உன்  முகம்  பார்த்து

பொழுதுகள்
விடியத்  தான்
ஆசை  எனக்கு ................

புன்னகைப் பூவே

அன்பே

நீ   புன்னகைப்பதால்
மலர்வது
உன்   முகம்   என்றாலும்
நானும்   புதிதாய்   மலர்கின்றேன்
தினமும்
உன்னைப்   பார்த்து   ரசிப்பதால் .............

என்னைச்    சித்திரவதை   செய்யும்
உன்   சிரிப்பை   மட்டும்
என்றுமே   நிறுத்தி   விடாதே
ஏனென்றால்
உன்   கண்ணீர்த்   துளி
என்னை   எரித்து   விடும்
நிச்சயமாக ................

துடிக்கின்ற மனசு

தண்ணீரை   விட்டு

வெளியே   வந்து
தரையில்   துடிக்கும்
மீனென   துடிக்கின்றேன் .............
நீ   அருகில்   இருந்தும்
சண்டை   போட்டு
நாம்   பேசாமல்
நாம்   பார்க்காமல்
விலகி   இருக்கும்
அந்த   சில   மணித்   துளிகளில் .............

பிறந்த நாள்

இனி   நான்

மறக்க   வேண்டிய   நாள் .
உனக்காக
நான்   பிறந்த
இந்   நாளை
ஒவ்வொரு   வருடமும்
நீ   மறந்து   விடுகிறாயே ............
அதனால்   தான்
நானும்   இனி
மறக்கப்   போகின்றேன் ..............

தொட்டில் உறவு

"அம்மா "  என்று   அழைத்து   நான்

அணைத்துக்   கொள்ளும்   போதும்
"அம்மா  " என்று   என்   மகன்
என்னை   அழைத்து
அணைத்துக்   கொள்ளும்   போதும்
உள்ளத்தில்   எழும்
சந்தோசத்திற்கு   அளவே   இல்லை ................

இருபத்தெழு   வருடம்
உங்கள்   அன்பெனும்   வலைக்குள்
என்னை   பாதுகாப்பாய்   வைத்திருந்தீர்கள்.
என்னை   பாதுகாக்கும்   பொறுப்பை
என்   கணவருக்கு   கொடுத்த   பின்பு
என்னை   விட்டு   நீங்கள்
அதிகமாய்   விலகி   இருக்கிறீர்கள்.
நினைத்தவுடன்   வந்து   நிற்கும்   தூரத்தில்
நான்   இப்போது   இல்லை
அதனால்   தானோ   இந்த   பிரிவு .....................

திருமணம்   ஆன   உடனே
பெண்களுக்குப்   பிறந்த   வீடு
இரண்டாம்   பட்சமாக
ஆகி   விடுகின்றது ........
இதை   நினைக்கும்   போது
வேதனையாய்   இருந்தாலும்
இது   தான்   பெரும்பாலான
பெண்களுக்கு   விதிக்கப்பட்ட   விதி
என்று   எண்ணி   தான்
மனதைத்   தேற்ற   வேண்டியிருக்கிறது ......................

ஒவ்வொரு   பெண்ணும்
தன்   வீட்டிற்கு
வர   இருக்கும்   மருமகள்
இத்தனை   வருடம்   தன்னை
அன்பாய்   வளர்த்த
தாய் ,  தந்தையை
உடன்   பிறந்த   உறவுகளை
தான்   வளர்ந்த   வீடு
தான்   வளர்ந்த   ஊர்
இவை   எல்லாவ ற்றையும்
விட்டு   விட்டு   தானே
தன்   வீட்டிற்கு   வருகிறாள்
என்பதை   உணர்ந்து
அவர்களிடம்   புரிந்து   நடந்தாலே
ஒவ்வொரு   பெண்ணுக்கும்
புகுந்த   வீடும்
பிறந்த   வீடு   போல
சந்தோசம்   கொடுக்கும் .....................

என்   பதின்மூன்றாம்   வயதில்
பள்ளி   விடுமுறைக்காக
அத்தை   வீட்டில்
நீங்கள்   விட்டு   விட்டு
வந்த   பின்பு
உங்களை
பார்க்க   முடிய   வில்லையே
என்று   எண்ணி
நானும் ,  அக்காவும்
அங்கு   நீங்கள்   விட்டுச்   சென்ற
சட்டையை   வைத்துக்   கொண்டு
அழுததை
இன்னும்   மறக்கவில்லை   அப்பா .................

புதிய   உறவுகள்
புதிய   ஊர்
புதிய   மக்கள்
புதிய   அனுபவங்கள்
இவை   எல்லாமே
புதியது   என்றாலும்
ஒரு   பெண்ணுக்கு
இது   தான்   கடைசி   வரை
வரப்   போகின்ற
வாழ்க்கை   என்பதை
நான்   உணர்கின்றேன் .
அதனால்   தான்
நீங்கள்   எல்லோரும்
என்   மீது   காட்டிய   அன்பினை
அன்பின்   தூய்மையை ............
நான்   உங்களோடு
சந்தோசமாய்   வாழ்ந்த
கடந்தகால   நினைவுகளை
இவை   எல்லாவற்றையும்
என்   மனதுக்குள்
மிகவும்   பத்திரமாய்
புதைத்து   வைத்திருக்கிறேன் ...............
அவ்வப்போது   புரட்டிப்   பார்க்கிறேன் ...................

பெண்ணாய்ப்    பிறந்தாலே
பெற்றோர்களைப்    பிரிந்து
உடன்   பிறந்த   உறவுகளைப்   பிரிந்து
ஒரு   காலக்   கட்டத்தில்
சென்று   தான்   ஆக   வேண்டும் .
அந்தப்   பிரிவில்
வருத்தம்,   வேதனை
அதிகமாய்   இருந்தாலும்
வரவேற்று   தான்   ஆக   வேண்டும்
புதிய    வாழ்க்கைக்காக .....................